मराठी अभ्यास मंडळ, मुंबई विद्यापीठ आणि गोगटे-जोगळेकर महाविद्यालयाचा मराठी विभाग यांच्या संयुक्त विद्यमाने गुरूवार दि. ६ ऑक्टोबर २०२२ रोजी आभासीमाध्यमाद्वारे कार्यशाळेचे आयोजन करण्यात आले होते. या कार्यशाळेत ८८ प्राध्यापकांनी सहभाग नोंदविला. प्रथम वर्ष कला, अनिवार्यमराठी, पुनर्रचित अभ्यासक्रमाबाबत ही कार्यशाळाहोती. उद्घाटनाच्या सत्राच्या प्रास्ताविकात गोगटे-जोगळेकर महाविद्यालयाचे मराठी विभाग प्रमुख शिवराज गोपाळे यांनी मराठी विभागाद्वारे झालेल्या विविध उपक्रमांचा आढावा घेतला. प्रास्ताविकानंतर मराठी अभ्यास मंडळ, मुंबई विद्यापीठ, अध्यक्ष डॉ. वंदना महाजन यांनी पुनर्रचित अभ्यासक्रम कार्यशाळेचे महत्त्व आणि भूमिका स्पष्ट केली. गोगटे-जोगळेकर महाविद्यालयाच्या कला शाखेच्या उपप्रचार्या डॉ. चित्रा गोस्वामी यांनी विद्यार्थ्यांना विषयाची गोडी लागण्यासाठी अध्ययन-अध्यापन सूत्रांची अशा पद्धतीच्या कार्यशाळा होणे ही आवश्यक बाब असल्याचे नमूद केले. उद्घाटन सत्राच्या समारोप प्रसंगी कार्यक्रमाचे अध्यक्ष गोगटे-जोगळेकर महाविद्यालयाचे प्र. प्राचार्य प्रफुल्लदत्त कुलकर्णी यांनी “नव्या शैक्षणिक धोरणानुसार रोजगाराभिमुख अभ्यासक्रम आपल्या अभ्यासपद्धतीत समावेश करणे, काळाची गरज आहे.” असेमत व्यक्त करून कार्यशाळेस शुभेच्छा दिल्या.
कार्यशाळेच्या प्रथम सत्रात सत्राध्यक्ष डॉ. नीळकंठ शेरे यांनी प्रथम वर्ष, अनिवार्य मराठी, पुनर्रचित अभ्यासक्रम कार्यशाळेविषयी आपली भूमिका स्पष्ट केली. विद्यार्थ्यांना अध्यापन करताना या कार्यशाळा खूप उपयुक्त ठरत असल्याचे त्यांनी प्रतिपादन केले. सदर सत्रात ‘कथारंग’ या कथासंग्रहाबाबत अध्ययन- अध्यापनाची सूत्र कशी असावीत हे सांगून कथा संग्रहाचा आशयात्मक व रचनात्मक अंगाने आढावा डॉ. विकास पाटील यांनी घेतला. ‘काव्यरंग’ या काव्यसंग्रहाबाबतचे अध्ययन-अध्यापन सूत्र डॉ. गोविंद काजरेकर यांनी स्पष्ट केले. कवितेचे अध्यापन करत असताना कविता संकल्पना विद्यार्थ्यांना कशी समजावून सांगावी याबाबतमार्गदर्शन केले. कार्यक्रमाची तांत्रिक बाजू डॉ. निधी पटवर्धन यांनी सांभाळली. आभार आणि सूत्रसंचालन प्रा. सीमा वीर यांनी केले.